Yaadein : Waqt ki Baazi

Aaj dil kiya ki chalte hain un Rahon pe..
Jaha hum nikla karte the…Har subah !!

Woh Subah Subah beman se uthna…
Woh pitaji ka daantna…Woh Maa ka dulaar…
Na nahane ke sau Bahane….
Aur kabhi sar pe hath rakh ke..Pet dard ka Bahana…

Woh school ke safed shirt pe ..Kal ke match ke Ball ke nishan
Fir woh MAA ka chehre gusse se laal hona ..Fir halki si muskurahat…
Kal jo master ji ne kaam diya tha ..Woh to bhul gaye..
Woh zor se chillana…maa khaana….

Aakhir ghar se nikalna..aur tezi se daud lagana…
Aur aaya fir nazar wahi Chauraha..
Are lagta hai yeh to wahi Aam ka boota hai….
Kal ki to baat hai ..yahin to hota tha hamara school….
Is ped ki chat pe..Woh kache aamon ka chatkara…
Par kahan gaye woh Saathiii…

Shayad Master ji ki padai se aage bad gaye honge…Ya Chadi se…
Yahin pe to to hote the Woh kisse aur kahaniyan….
Dil to kar raha hai thodi der Baithun….
Par yeh Waqt….

Shayad Waqt ka taqaza hi to hai..
Ya fir waqt jeb se bhaari ho gaya hai….

Sahi hai, Shayad waqt bhi pada hua..Sahma sa…
Kyunki….
Waqt ki Daud mein..Lagi hai Waqt ki Baazi..